اطلاعات کے مطابق ورلڈ بینک پاکستان کو تین مخلتف منصوبوں کیلئے 91 کروڑ 80 لاکھ ڈالر دے گا، جس کے لیے فریقین کے درمیان فنڈز کی فراہمی کے معاہدے پر دستخط ہوگئے ہیں۔
مشیر خزانہ ڈاکٹر عبد الحفیظ شیخ کی موجودگی میں معاہدے پر دستخط ہوئے۔
خبروں کے مطابق ورلڈ بینک ٹیکس دہندگان کی تعداد میں اضافے کے منصوبے کے لیے 40 کروڑ ڈالر دے گا۔
اسی طرح 40 کروڑ ڈالر کی مالیت کا دوسرا قرض اعلی تعلیم کیلئے استعمال کیا جائےگا۔ جبکہ 11 کروڑ 89 لاکھ ڈالر مالیت کا تیسرا قرض خیبر پختونخواہ میں ٹیکس وصولیوں کے نظام میں بہتری کے لیے دے گا۔
