پیرس: تیل برآمد کرنے والے ممالک کی تنظیم اوپیک نے کہا کہ کورونا وائرس کی وبا اور اس کی روک تھام کے لیے جاری اقدامات کی وجہ سے خام تیل کی عالمی منڈی کو غیر معمولی دھچکا لگا ہے اور اس کی طلب میں کمی آئی ہے۔
اوپیک نے اپنی ماہانہ رپورٹ میں کہا کہ' آئل مارکیٹ اس وقت ایک تاریخی بحران سے گزر رہا ہے جو عالمی سطح پر وسیع اور غیر متوقع ہے۔'
تنظیم کے مطابق سنہ 2020 میں مانگ میں ایک تاریخی کمی کی امید ہے۔ روزانہ اوسطا تقریباً 68 لاکھ بیرل کمی کا امکان ہے۔
اس رپورٹ کے مطابق اپریل میں طلب میں یومیہ 2 کروڑ بیرل کمی کی پیش گوئی کی گئی ہے، جو اب تک کی سب سے بڑی کمی ہے۔
تاہم یہ تخمینہ بدھ کے روز جاری ہونے والی بین الاقوامی توانائی ایجنسی سے کم ہے۔ پیرس میں واقع تنظیم کے مطابق، اپریل میں تیل کی طلب کا تخمینہ ایک دن میں 2.9 کروڑ بیرل تھا اور 2020 تک، اوسطا یومیہ 93 لاکھ بیرل روزانہ کم کیا گیا تھا۔
