مرکزی حکومت نے نامور ماہر معاشیات پروفیسر اجیت مشرا کی سربراہی میں ایک ماہر گروپ تشکیل دیا ہے جو جلد ہی قومی سطح پر کم از کم اجرت کے تعین کے بارے میں حکومت کو تکنیکی معلومات اور سفارشات پیش کرے گا۔
مرکزی وزارت محنت و روزگار نے ہفتہ کو یہ وضاحت پیش کرتے ہوئے بتایا کہ اس گروپ کی پہلی میٹنگ 14 جون 2021 کو ہوئی ہے اور اس کی دوسری میٹنگ 29 جون 2021 کو شیڈول ہے۔ وزارت نے بتایا کہ اس کے علاوہ جب بھی ضرورت ہو حکومت قومی سطح پر کم از کم اجرت سے متعلق معاملات پر اس ماہر گروپ سے تکنیکی صلاح لے سکتی ہے۔
وزارت نے کہا ہے کہ اس ماہر گروپ کی میعاد تین برس ہے۔ معلوم ہوا ہے کہ پریس کے کچھ حصوں نے اس اقدام کو قومی سطح پر کم سے کم اجرت اور کم از کم اجرت کا تعین میں تاخیر کی کوشش کے طور پر دیکھا ہے۔
حکومت نے واضح طور پر کہا ہے کہ ایسا کوئی ارادہ نہیں ہے اور ماہر گروپ جلد از جلد اپنی سفارشات حکومت کو پیش کرے گا۔ اس ماہر گروپ کی مدت ملازمت کو تین برس رکھا گیا ہے تاکہ قومی سطح پر کم از کم اجرت اور کم سے کم اجرت طے کرنے کے بعد بھی اس سے مشورہ کیا جاسکے۔
یو این آئی
