ممبئی: عالمی سطح پر بیشتر کلیدی انڈیکس میں کمی اور کورونا کی وبا کی وجہ سے بڑھتی ہوئی تشویش بدھ کے روز گھریلو اسٹاک مارکیٹ میں زبردست فروخت کا باعث بنی، جس کی وجہ سے سینسیکس میں 627 پوائنٹس کی کمی درج کی گئی اور یہ 50 ہزار کے نشان کے نیچے آگیا اور نفٹی میں 154 پوائنٹس کی کمی درج کی گئی۔
اس عرصے کے دوران بی ایس ای سنیکس 627.43 پوائنٹس کی کمی کا شکار ہوا، جس کی وجہ سے سینسیکس 50 ہزار کے نیچے گر کر 49،509.15 اور نیشنل اسٹاک ایکسچینج (این ایس سی) نفٹی بھی 154.40 پوائنٹس کی کمی سے 14،690.70 پر بند ہوا۔ دن کے آغاز سے ہی، سینسیکس میں کمی دیکھی گئی اور سینسیکس 87 پوائنٹس کی کمی سے کھل گیا اور گذشتہ دن کے مقابلہ میں نفٹی میں بھی 33 پوائنٹس کی کمی رہی۔
اس مدت کے دوران ، بی ایس ای کا مڈ کیپ 14.72 پوائنٹس یا 0.07 فیصد اضافے سے 20،181.31 پوائنٹس پر پہنچ گیا جس کی وجہ بڑی، درمیانے اور چھوٹی کمپنیوں میں خریداری رہی اور اس اسمال کیپ بھی 105.94 پوائنٹس یا 0.52 فیصد اضافے سے 20،649.33 پوائنٹس تک جا پہنچ گیا۔
اس عرصے کے دوران ، بینکنگ گروپ کمپنیوں نے سب سے زیادہ 545.38 پوائنٹس یا 1.43 فیصد کی کمی ریکارڈ کی ، اور صارفین کے پائیدار شعبے کی کمپنیوں میں 242.90 پوائنٹس یا 0.75 پوائنٹس کا اضافہ ہوا۔
یواین آئی
