موجودہ صورتحال میں ماسٹر کارڈ چھوٹے کاروباری افراد کو ڈیجیٹل ادائیگی اور ڈیجیٹل ٹکنالوجی کو فروغ دینے کے لئے 250 کروڑ روپے کا قرض دے گا۔ یہ اعلان ماسٹرکارڈ نے کنفیڈریشن آف آل انڈیا ٹریڈرز کے اشتراک سے کیا ہے۔ چھوٹے تاجروں کو کورونا کی وبا کی وجہ سے ہونے والے نقصان سے نکلنے کے لئے 250 کروڑ روپے کے معاشی پیکیج کا اعلان کیا گیا ہے۔
وہیں کیٹ کی جانب سے گزشتہ سال سے ہی قومی کیش لیس مہم چلائی جارہی ہے، جس کے تحت 1 کروڑ سے زائد تاجروں نے ڈیجیٹل ادائیگیوں کو قبول کر کے ہر ایک کو اس ٹکنالوجی سے مربوط کرنے کا ہدف بنایا ہے۔
اس کے بعد اب کیٹ اور ماسٹر کارڈ کی کاوشوں سے اس مہم کو ملک بھر میں تقریباً 35 فیصد چھوٹے تاجروں سے جوڑ دیا گیا ہے۔ اس کے ساتھ ہی چھوٹے تاجروں جیسے گروسری اسٹورز، ٹیکسٹائل، میڈیکل وغیرہ کو 250 کروڑ روپے کے قرض کے اعلان کے تحت سی اے ٹی کی شراکت سے جوڑنے کی کوشش کی جائے گی۔
اس کے بارے میں ماسٹر کارڈ کے جنوبی ایشیاء ڈویژن کے صدر پوروش سنگھ نے کہا کہ ماسٹرکارڈ اپنے نیٹ ورک۔ علم، ٹکنالوجی، اور شراکت داری کا فائدہ بھارت کے تاجروں کو دینے اور ان کے کاروبار کو بڑھانے کے لیے مدد کرے گا۔
یہ بھی پڑھیں: شیئر بازار میں تیزی، سنسیکس میں سدھار
اس کے علاوہ کیٹ کے قومی جنرل سکریٹری پروین کھنڈوال نے کہا کہ کورونا کی وجہ سے ملک میں لاک ڈاؤن نے ملک بھر کے تاجروں کو بہت بڑا نقصان پہنچایا ہے، ایسی صورتحال میں کاروبار کو پٹڑی پر لانے کے لیے لون مددگار ثابت ہوگا۔
