مکیش امبانی نے ریلائنس کے 43 ویں سالانہ عام اجلاس سے خطاب کرتے ہوئے اعلان کیا کہ گوگل، جیو پلیٹ فارم میں ایک اسٹریٹیجک شراکت دار ہوگی اور 7.7 فیصد شیئر کے لیے 33 ہزار 737 کروڑ روپے کی سرمایہ کاری کرے گی۔
امبانی نے کہا کہ یہ دونوں کمپنیاں ایک آپریشنل میکانزم تشکیل دیں گی جو انٹری لیول کے 4 جی اور 5 جی اسمارٹ فون کے لیے ہوگی۔ انہوں نے کہا کہ 5 جی ٹیکنالوجی کا استعمال اگلے سال تک شروع ہوسکتا ہے۔
مکیش امبانی نے کہا کہ ان کی کوشش ہے کہ 2 جی فون استعمال کرنے والے 35 کروڑ بھارتیوں کو سستے اسمارٹ فون فراہم کریں۔
کورونا وبا کے دور میں آر آئی ایل کے پہلے ورچوئل اے جی ایم میں فیس بک کے بانی مارک زکربرگ اور گوگل کے سی ای او سندر پچائی نے بھی ویڈیو پیغامات کے ذریعہ شرکت کی۔
مکیش امبانی نے کہا کہ جیسے ہی 5 جی اسپیکٹرم دستیاب ہوگا، اس کا ٹرائل کرکے اگلے سال تک اس کو میدان اتارنے کی تیاری کی جاسکتی ہے۔
