نئی دہلی: جاپان کی بین الاقوامی تعاون ایجنسی (جے آئی سی اے) نے بھارت کے ساتھ 30 ارب جاپانی ین (تقریباً 2،069 کروڑ روپے) کی معاشی ترقیاتی امداد (او ڈی اے) فراہم کرنے کے معاہدے پر دستخط کیے ہیں۔
یہ قرض بھارت کو کووڈ 19 بحران میں معاشرتی تحفظ کے لیے بطور امدادی فراہم کی جارہی ہے۔ جے آئی سی اے نے ایک بیان میں یہ معلومات دی ہے۔
بھارت میں جاپان کے سفیر سوزوکی ستوشی اور وزارت خزانہ کے محکمہ اقتصادی امور کے ایڈیشنل سکریٹری سی ایس مہاپاترا نے اس سلسلے میں دستاویزات کا تبادلہ کیا۔ یہ کووڈ 19 سے نمٹنے کے لیے اٹھائے جانے والے اقدامات کے ایک حصے کے تحت کیا گیا۔ اس میں مجموعی طور پر 50 ارب ین تک کی فراہمی کی تجویز ہے۔
جے آئی سی اے انڈیا کے نمائندے کاٹسواو ماتسوموتو نے کہا کہ اس منصوبے کا مقصد پردھان منتری غریب کلیان یوجنا (پی ایم جی کے وائی) کے تحت حکومت کی کوششوں میں مدد کرنا ہے۔
اس منصوبے کے علاوہ زیکا نے بھارت میں صحت عامہ کے نظام کو مستحکم کرنے کے لیے کووڈ۔19 بحران کے لیے ہنگامی امداد کے لیے او ڈی اے قرض بھی فراہم کیا ہے۔ یہ منصوبہ وزیر اعظم کی خود کفیل بھارت کے تحت 'سوستھ بھارت' یعنی صحت مند بھارت اسکیم کے تحت چلائی جارہی ہے۔
