ہریانہ کے وزیر اعلیٰ منوہر لال کھٹر نے کہا ہے کہ ریاست میں ای گاڑیوں کو فروغ دینے کے لیے ریاستی حکومت آغاز میں ای وہیکلز خریدنے والوں کو سبسڈی دے گی۔ حکومت نےمقررہ مدت سے پرانی گاڑیوں کو این سی آر ریجن میں بند کرنے کے لیے وہیکل اسکریپ پالیسی بھی بنائی ہے۔
وزیراعلیٰ آج 'ورلڈ کار فری ڈے' کے موقع پر یہاں سول سیکرٹریٹ میں ای گاڑیوں پر آگاہی نمائش کا افتتاح کرنے کے بعد میڈیا کے سوالات کا جواب میں ان سب باتوں کا ذکر کیا۔
انہوں نے کہا کہ گاڑیوں کی بڑھتی ہوئی تعداد کی وجہ سے ماحول آلودہ ہو رہا ہے۔ لوگوں نے گاڑیوں کو اسٹیٹس سمبل سمجھ لیا ہے جس کی وجہ سے گھر اور دفتر قریب ہوتے ہوئے بھی ملازمین اور افسران گاڑیاں استعمال کرتے ہیں۔ انہوں نے آج 22 ستمبر کو 'ورلڈ کار فری ڈے' کے موقع پر لوگوں کو کار پولین سسٹم اختیار کرنے یا قریبی جگہ کے لیے پیدل یا سائیکل سے جانے کے لیے عہد کرنے کی اپیل کی۔
وزیراعلیٰ نے کہا کہ فضا میں آکسیجن کی وافر مقدار ہونا ضروری ہے لیکن آلودگی کی وجہ سے ماحول میں کاربن ڈائی آکسائڈ کی مقدار بڑھ رہی ہے۔ ریاست میں آکسیجن لگانےکو فرو غ دیا جارہا ہے۔ محکمہ جنگلات کی جانب سے تقریباً تین کروڑ پودے بھی لگائے جا رہے ہیں۔ طلباء کو شجرکاری کی طرف راغب کیا جا رہا ہے۔
- مزید پڑھیں: سرمایہ کاروں کے لیے خوش خبری، سنگل ونڈو سسٹم لانچ
- بنگلہ دیش بھارت کو دو ہزار ٹن ہلسا مچھلی فراہم کرے گا
انہوں نے بتایا کہ آلودگی کو کم کرنے کی سمت میں اقدامات کرتے ہوئے اب تک گروگرام میں سی این جی بسوں کی حوصلہ افزائی کی جا رہی تھی، لیکن اب وہاں بھی ای بسیں اور ای آٹو چلانے پر زور دیا جائے گا۔
یواین آئی
