نئی دہلی: روڈ ٹرانسپورٹ اور قومی شاہراہوں کے وزیر نتن گڈکری نے کہا ہے کہ حکومت گاڑیوں سے خارج ہونے والے آلودگی کو کم کرنے کے لیے الیکٹرک گاڑیوں کو بنانے میں تیزی لائے گی اور اس کے لیے ایک ایکوسسٹم تیار کیا جائے گا۔
مسٹر گڈکری نے پیر کے روز منعقدہ ایک تقریب سے خطاب کرتے ہوئے کہا کہ آئندہ پانچ برسوں میں بھارت کو آٹو انڈسٹری کا مرکز بنانے کے ساتھ ساتھ آٹوموبائل انڈسٹری سے خارج ہونے والے آلودگی کو کم کرنے کے لیے وسیع تر قومی ایجنڈے پر کام کرنے کی کوشش کی جارہی ہے۔
انہوں نے بتایا کہ الیکٹرک گاڑیوں کے استعمال کو فروغ دینے کے لیے حکومت کا ارادہ ہے کہ پورے ملک میں تقریبا 69 ہزار پٹرول پمپوں پر ایک الیکٹرک گاڑی چارج کیوسک لگانے کا منصوبہ ہے۔
انہوں نے بتایا کہ حکومت کا مقصد آلودگی کو کم کرنا ہے اور اس کے لیے وسیع تر قومی ایجنڈے پر کام جاری ہے۔
