نئی دہلی: گوگل کے سی ای او سندر پچائی نے پیر کے روز ایک ٹویٹ کرکے بتایا کہ کمپنی گوگل فار انڈیا ڈیجیٹائزیشن فنڈ کے توسط سے بھارت میں اگلے 5 سے 7 برسوں میں 75 ہزار کروڑ روپے کی سرمایہ کاری کرے گا۔
اس سے قبل وزیر اعظم نریندر مودی نے گوگل کے سی ای او سندر پچائی سے مختلف موضوعات پر بات کی۔ ان موضوعات میں بھارت کے کسانوں، نوجوانوں اور کاروباری افراد کی زندگیوں کو تبدیل کرنے کے لیے ٹکنالوجی کے استعمال پر تبادلہ خیال کیا گیا۔
پچائی کے ساتھ ورچوئل ملاقات میں وزیر اعظم نے کووڈ۔ 19 کے بحران کے سبب پیدا ہونے والے نئے ورک کلچر پر بھی تبادلہ خیال کیا۔
اس سلسلے میں وزیر اعظم نریندر مودی نے تسلسل کے ساتھ ٹویٹ کیا 'آج صبح میں نے سندر پچائی کے ساتھ بہت نتیجہ خیز گفتگو کی۔ ہم نے متعدد موضوعات پر بات کی خاص طور پر بھارتی کسانوں، نوجوانوں اور کاروباری افراد کی زندگی کو ٹکنالوجی کی طاقت سے تبدیل کرنے کے بارے میں۔'
وزیر اعظم نے کہا کہ وہ مختلف شعبوں میں گوگل کی کوششوں کو جان کر خوش ہیں۔ چاہے وہ تعلیم سیکھنے ہو یا پھر ڈیجیٹل انڈیا وغیرہ ہو۔
گفتگو کے دوران مودی نے کہا کہ سندر پچائی اور انہوں نے نئی ورک کلچر کے بارے میں تبادلہ خیال کیا جو کوڈ۔19 کے باعث پیدا ہوا ہے۔ نیز دونوں نے کھیلوں اور دیگر شعبوں میں درپیش مشکلات کے بارے میں بھی تبادلہ خیال کیا۔
وزیر اعظم نے کہا کہ' ہم نے ڈیٹا سیکیورٹی اور سائبر سیکیورٹی کی اہمیت کے بارے میں بھی بات کی۔'
