بینک آف امریکہ سیکیورٹیز نے کہا ہے کہ خام تیل کی قیمتوں میں کمی سے بھارت کو مالی برس 2020-21 کے دوران کرنٹ اکاؤنٹ خسارے کو 0.25 فیصد سے 0.70 فیصد تک کم کرنے میں مدد ملے گی۔ یہ اندازہ اس قیاس پر مبنی ہے جس کے مطابق اگلے مالی برس عالمی بازار میں تیل کی قیمت فی بیرل 36 ڈالر کے قریب ہوگی۔
واضح رہے کہ چین کے شہر ووہان سے پھیلنے والے کورونا وائرس کے بعد تیل کی طلب میں کمی واقع ہوئی جس کے نتیجے میں خام تیل کی قیمتوں میں 45 فیصد سے زیادہ کی کمی واقع ہوئی ہے۔ اب یہ وبا 110 سے زیادہ ممالک میں پھیل چکی ہے۔
خیال رہے کہ جمعے کے روز اوپیک ممالک اور روس کے درمیان تیل کی پیداور کے تعلق سے ایک میٹنگ منعقد کی گئی۔ اجلاس میں روس خام تیل کی قیمتوں میں کمی پر رضامند نہیں ہوا جس کے بعد سعودی عرب نے تیل کی پیداوار بڑھانے کا فیصلہ کیا۔ تیل کی منڈی میں سپلائی کی طلب میں اضافے کے خدشے کے پیش نظر پیر کو خام تیل کی مارکیٹ میں تیل کی قیمتوں میں 30 فیصد تخفیف درج کی گئی۔
بروکریج کمپنی نے بدھ کے روز ایک تبصرہ میں کہا کہ' اس کا اندازہ ہے کہ اس پر مبنی ہے کہ آئندہ مالی برس کے دوران خام تیل کی قیمت 36 ڈالر فی بیرل کے قریب ہوگی'۔
تبصرے میں مزید کہا گیا کہ' اگر حکومت نے سستے تیل سے اس کا نصف فائدہ بھی صارفین کو دے دیا تو جی ڈی پی کے 0.4 فیصد کے برابر کھپت میں اضافہ ہوسکتا ہے۔
بروکریج نے سنہ 2021 میں بھارت کی نمو کی شرح 0.20 فیصد گھٹا کر 5.4 فیصد رہنے اور عالمی نمو کی شرح 0.6 فیصد سے گھٹا کر 2.2 فیصد رہنے کی پیش گوئی کی ہے'۔
حالانہ انہوں نے خبردار کیا ہے کہ کساد بازاری کی وجہ سے مالی برس 2021 میں عالمی شرح نمو 1.4 فیصد پر آ گئی تو، گھریلو شرح نمو گھٹ کر 4.4 فیصد تک ہوسکتی ہے۔
