حیدرآباد: وزیراعلی وائی ایس جگن موہن ریڈی نے کہا ہے کہ شکر کی فیکٹریز کے واجب الادا بقایہ جات 54.6 کروڑروپے 8 جولائی کو کسانوں کے دن کے موقع پر جاری کیے جائیں گے۔
انہوں نے وجئے واڑہ کے قریب تاڑے پلی میں واقع اپنے کیمپ آفس میں ایک جائزہ اجلاس منعقد کرتے ہوئے کہاکہ امداد باہمی کے شعبہ کی شکر کی فیکٹریز کا احیا کیاجائے گا۔ انہوں نے اس سمت اقدامات کرنے کی عہدیداروں سے خواہش کی۔ انہوں نے یقین دہانی کرواتے ہوئے کہا کہ 8 جولائی کو یوم کسان کے موقع پر یہ 54.6 کروڑروپے کی رقم جاری کردی جائے گی جس سے تقریباً 50 ہزار کسانوں کو فائدہ پہنچے گا۔
انہوں نے کہاکہ وزرا کا گروپ امداد باہمی کے شعبہ کی شکر کی فیکٹریز کے امور کا جائزہ لے گا اور ایک رپورٹ پیش کرے گا۔ مسٹرریڈی نے عہدیداروں کو ہدایت دی کہ وہ اس سلسلہ میں 15اگست تک جامع رپورٹ پیش کرے۔
