حکومت نے رواں ماہ سے بین الاقوامی ہوائی خدمات شروع کرنے کے فیصلے کو تبدیل کرتے ہوئے کہا کہ کووڈ وبا میں کورونا کے نئے ویریئنٹ کے اثرات کو دیکھتے ہوئے بین الاقوامی پروازوں Resumption International Flights کے بارے میں فیصلہ بعد میں کیا جائے گا۔
ڈائریکٹوریٹ جنرل آف سول ایوی ایشن Directorate General of Civil Aviation نے بدھ کے روز ایک سرکلر میں بتایاکہ کورونا کے نئے ویریئنٹ سامنے آرہی ہیں۔ بدلتے ہوئے عالمی منظر نامے کو مدنظر رکھتے ہوئے تمام فریقین کے ساتھ مسلسل رابطے کے ساتھ صورتحال پر کڑی نظر رکھی جا رہی ہے اور کمرشیل بین الاقوامی پروازوں کے آغاز کی تاریخ کے حوالے سے مناسب وقت پر فیصلہ کیا جائے گا۔
سول ایوی ایشن کے ڈائریکٹوریٹ جنرل نے 26 نومبر کو جاری ایک سرکلر میں بتایا تھا کہ کمرشل بین الاقوامی پروازوں پر عائد پابندی 14 دسمبر کی آدھی رات تک بڑھادینے کی بات کہی تھی۔ وزارت شہری ہوا بازی کے ذرائع نے 15 دسمبر سے تجارتی بین الاقوامی پروازیں شروع کرنے کی اطلاع دی تھی۔
مزید پڑھیں:
یواین آئی
