خیال رہے کہ گذشتہ دنوں وزیر اعظم نریندر مودی نے کورونا وائرس کے پھیلاؤ کو روکنے کے لیے 21 دنوں کے لیے لاک ڈاؤن کا اعلان کیا تھا جس کے بعد اقتصادی سرگرموں اور یومیہ مزدوروں سمیت ملک کے دیگر طبقے کو راحت دینے کے لیے مرکزی وزیر خزانہ نرملا سیتا رمن نے ایک لاکھ 70 ہزار کروڑ روپے کا راحتی پیکچ کا اعلان کیا۔
اس راحتی پیکج میں یومیہ مزدور کے علاوہ طبی خدمات انجام دینے والے عملہ کا بھی خاص خیال رکھا گیا ہے۔ اس کے تحت طبی خدامات انجام دینے والے عملہ کو 50 لاکھ روپے کا انشورنس فراہم کیا جائے گا۔ ایک اندازے کے مطابق اس انشورنس کا فائد ملک کے تقریباً 20 لاکھ طبی خدمات انجام دینے والے افراد کو ملے گا'۔
وزیر خزانہ نے کہا کہ' لاک ڈاؤن سے متاثرہ غریبوں کی مدد کی جائے گی۔ جن لوگوں کو فوری مدد کی ضرورت ہے ان کی مدد کی جائے گی اور اس کے لیے پردھان منتری غریب کلیان یوجنا لایا جارہا ہے'۔
پردھان منتری غریب کلیان یوجنا کے تحت 80 کروڑ غریب افراد کو 3 ماہ تک 5 کلو گندم یا 5 کلو چاول دیا جائے گا۔ اس کے علاوہ ایک کلو دال بھی فراہم کیا جائے گا۔
وزیر خزانہ نے کہا کہ' کورونا کی وبا کی وجہ سے 'لاک ڈاؤن' کے اثرات سے نمٹنے کے لیے اقتصادی پیکج تیار کیا گیا ہے'۔
سیتارامن نے کہا کہ' کورونا وائرس کے انفیکشن سے لڑنے والے ڈاکٹر ، پیرا میڈیکل اہلکار، میڈیکل سروس کے اہلکاروں کو فی خاندان 50 لاکھ روپے کا انشورنس فراہم کیا جائے گا'۔ وہیں منریگا کے تحت یومیہ مزدوری 182 روپے سے بڑھا کر 202 روپے کی گئی ہے، اس سے پانچ کروڑ خاندان کو فائدہ ہوگا'۔
