تلنگانہ اور آندھراپردیش کے لیے جی ایس ٹی معاوضہ جاری

مرکز نے جی ایس ٹی معاوضہ، تلنگانہ کے لیے 1940.95 کروڑ اور اے پی کے لیے 2222.71 کروڑ جاری کیے۔

مرکزی حکومت کی جانب سے ریاستوں کے لیے جی ایس ٹی معاوضہ جاری کر دیا گیا۔ اس ضمن میں ہفتہ کو احکام جاری کئے گئے۔ تلنگانہ کو 1940.95 کروڑ روپے اور ایک پڑوسی ریاست آندھراپردیش کے لیے 2222.71 کروڑ روپے جاری کیے گئے۔

مرکز نے تاحال جی ایس ٹی معاوضہ کے طورپر ریاستوں کو ایک لاکھ کروڑ روپے جاری کئے ہیں۔ مرکز کا کہنا ہے کہ ریاستوں نے تقریبا 91 فیصد خسارہ کی تکمیل کر دی ہے۔

مرکز نے تاحال ریاستوں کے لیے 91,460.34 کروڑروپے اور مرکزی زیر انتظام علاقوں کے لیے 8539.66 کروڑ روپے کی رقم جاری کر دی ہے۔

یواین آئی