دہلی میں آٹو رکشہ کے کرائے میں اضافہ

دہلی حکومت نے دارالحکومت میں آٹو رکشہ کے کرایہ بڑھائے جانے کے سلسلے میں نوٹیفکیشن جاری کردیا گیا ہے۔

دہلی ٹرانسپورٹ ڈپارمنٹ کے نوٹیفکیشن کے مطابق موجودہ کرایے کے مقابلے 18.75 فیصد کرائے میں اضافہ کیا گیا ہے۔ جبکہ اب شروعات کے ڈیڑھ کلومیٹر کے لیے 25 روپے دینے ہوں گے۔

اس کے علاوہ دہلی حکومت نے ویٹنگ چارج میں بھی اضافہ کیا ہے۔ اس سے قبل 30 منٹ کے لیے 30 روپے چارج کیا جاتا تھا، لیکن اب ایک منٹ کے لیے 75 پیسے دینے ہوں گے۔

دہلی کے وزیر ٹرانسپورٹ کیلاش گہلوت نےٹویٹر پر بتایا کہ " محکمہ ٹرانسپورٹ نے آٹو ركشہ کرایہ میں اضافے کا نوٹیفکیشن جاری کردیا ہے۔"دارالحکومت میں سال 2013 سے میٹر ڈاون کرتے وقت پہلے دو کلومیٹر تک 25 روپے دینے پڑتے تھے اور اب بڑھے ہوئے کرایہ کے بعد یہ حد ڈیڑھ کلومیٹر کر دی گئی ہے۔

اس کے بعد ہر اضافی کلو میٹر کے ساڑھے نو روپے دینے ہوں گے۔ پہلے یہ آٹھ روپے فی کلو میٹر تھی۔