جمعہ کو ایوان بالا راجیہ سبھا میں ایک سوال کے جواب میں ریلوے کے وزیر پیوش گوئل نے کہا کہ ریلوے کے پاس ایک لاکھ سے زیادہ پل ہیں جن کا باقاعدگی سے سروے کیا جاتا ہے اور ان کے معیار اور رکھ رکھاؤ کی دیکھ بھال کی جاتی ہے۔ انہوں نے کہا کہ گزشتہ چھ برسوں سے ریلوے میں سیکورٹی پر زیادہ توجہ دی جارہی ہے اور پچھلے 22 ماہ کے دوران ریلوے حادثات میں کسی مسافر کی موت نہیں ہوئی ہے۔
مزید پڑھیں:
پٹرول اور ڈیزل کی قیمتوں میں اضافہ
انہوں نے کہا کہ ریلوے بورڈ کی تشکیل نو کی گئی ہے اور پہلی بار ڈائریکٹر جنرل سیکیورٹی کا عہدہ تشکیل دیا گیا ہے۔ وزیر موصوف نے کہا کہ مون سون سے قبل پلوں کا معائنہ کیا جاتا ہے۔
