یوراج کے فلک شگاف چھکے

یوراج سنگھ نے آج بین الاقوامی کرکٹ سے ریٹائرمنٹ کا اعلان کردیا ہے، لیکن ان کے چھ گیند پر چھ چھکے ہمیشہ ان کے مداح کے ذہنوں میں تازہ رہیں گے۔

بھارتی کرکٹر یوواج سنگھ نے آج ممبئی میں پریس کانفرنس کرکے بین الاقوامی کرکٹ سے باضابطہ ریٹائرمنٹ کا اعلان کردیا۔

انہوں نے کہا کہ میں نے زندگی میں بےحد نشیب و فراز دیکھے ہیں، اور اب وقت آگیا ہے کہ بین الاقوامی کرکٹ کو الوداع کہہ دیا جائے۔

واضھ رہے کہ سنہ 2011 کے عالمی کرکٹ کپ میں اہم کردار ادا کرنے والے یوراج نے بہترین کھلاڑی کا ایورڈ اپنے نام کیا تھا، تاہم اس بار انھیں ٹیم میں جگہ تک نہیں مل سکی، یوراج نے 40 ٹیسٹ اور 304 یک روزہ میچز کھیلے ہیں۔

انہوں نے ایک اوور میں چھ چھکے لگا کر تاریخ رقم کردیا تھا جسے آج بھی یاد کیا جاتا ہے، وہ کیسنر کے موذی مرض میں گرفتار ہوئے، لیکن انہوں نے اس جان لیوا مرض کو مات دے دی۔