اسٹیٹ ڈیزاسٹر رسپانس فورس نے جنوبی کشمیر کے ضلع پلوامہ کے کاکا پورہ علاقے میں منگل کو ریت نکالنے کے دوران جو نوجوان ڈوب گیا تھا۔ بدھ کو اس کی لاش برآمد کی۔
اس نوجوان کی شناخت ضلع بڈگام کے حیات پورہ علاقے کے رہنے والے 24 سالہ نوجوان منظور احمد ولد مشتاق احمد مراد کے طور پر ہوئی۔ اس نوجوان کی بازیابی کے لیے مقامی لوگوں کے ساتھ ساتھ ایس ڈی آر ایف کی ٹیم نے آپریشن شروع کیا تھا۔ تاہم ان کو کل کوئی کامیابی نہیں ملی اور آپریشن رات کے لئے معطل کردیا گیا۔ آج صبح دوبارہ تلاشی شروع کی گئی۔ تاہم آج اس نوجوانوں کی لاش کو بازیاب کرلیا گیا۔
دریں اثنا ایک پولیس اہلکار نے نوجوان کی لاش کے ملنے کی تصدیق کی۔ ضروری قانونی کارروائی کرنے کے بعد لاش کو اہل خانہ کے حوالے کر دیا گیا ہے۔
