آر ایل ڈی کے سینیئر رہنما تریلوکی ناتھ تیاگی نے صحافیوں سے بات چیت کے دوران کہا کہ صوبہ میں جس طرح سے بجلی کے بل میں اضافہ ہورہا ہے، اس سے کسانوں کی مالی حالت کافی خراب ہو گئی ہے۔
واضح رہے کہ پہلے کسانوں کے ٹیوب ویل کا بل ہو یا گھر کے بجلی کا بل سبھی کم آتا تھا، لیکن گزشتہ کئی ماہ سے بجلی بل میں چار گنا زیادہ اضافہ ہوگیا ہے۔
جس کی وجہ سے انہیں اپنا بل ادا کرنے میں خاصی پریشانیوں کا سامنا کرنا پڑ رہا ہے۔ تیاگی نے کہا کہ ہمارا حکومت سے مطالبہ ہے کہ جلد سے جلد اسے واپس کر کے بل کو کم کیا جائے، ورنہ وہ احتجاج کریں گے۔
ترلوکی ناتھ تیاگی نے کہا کہ یوگی آدتیہ ناتھ نے گنا کسانوں کا 15 دنوں کے اندر بقایا ادائیگی کرنے کا بھروسہ دلایا تھا۔ ایک سال سے زیادہ حکومت کو ہوگیا، لیکن گنا کسانوں کو پیسہ اب تک نہیں ملا، جس کی وجہ سے وہ ایک ایک پیسے کے لیے پریشان ہیں۔
