ریاست گجرات میں کانگریس نے بی جے پیکے قومی صدر امت شاہ کے خلاف گاندھی نگر پارلیمانی سیٹ سے گجرات کانگریس کے سابق صدر سی جے چاؤڑا کو اپنا امیدوار قرار دیا ہے۔
واضح رہے کہ مسٹر چاؤڑا گاندھی نگر (شمال) سیٹ سے کانگریس کے موجودہ رکن اسمبلی بھی ہیں۔
خیال رہے کہ کانگریس نے سابق مرکزی وزیر سبودھ کانت سہائے کو رانچی سے جبکہ سابق مرکزی وزیر پرنيت کور کو پٹیالہ اور پون کے بنسل کو چندی گڑھ سے پارٹی کا امیدوار بنایا ہے۔
واضح رہے کہ منگل کو لوک سبھا انتخابات کے لیے 20 امیدواروں کی فہرست کانگریس کے جنرل سکریٹری مکل واسنک نے جاری کی تھی۔
اس فہرست میں گجرات اور ہماچل پردیش سے ایک ایک، جھارکھنڈ سے تین، کرناٹک سے دو، اڑیسہ سے دو، پنجاب سے چھ، مرکز کے زیر انتظام ریاستوں چندی گڑھ سے ایک اور دادرا نگر حویلی سے ایک امیدوار وں کے ناموں کا اعلان کیا ہے۔
کانگریس کی اس فہرست میں پنجاب کے ضلع گروداس پور سے سنیل جاکھڑ جبکہ امرتسر سے گرجيت سنگھ اوجلا اور لدھیانہ سے رونيت سنگھ بٹو کے نام شامل ہیں۔
