جاپان میں شدید بارش کے سبب سیلاب آنے اور مٹی کے تودے گرنے کی وارننگ کے پیش نظر تین بڑے شہروں سے تقریباً آٹھ لاکھ باشندگان کو منتقل کرنے کا حکم دیا گیا ہے۔
اطلاع کے مطابق جاپان کے کیوشو جزیرے پر واقع کاگوشیما سٹی، کریشیما اور ایرا میں باشندگان سے درخواست کی گئی ہے کہ وہ فوری طور سے محفوظ مقامات پر منتقل ہوجائيں۔
وزیراعظم شینزو آبے نے مذکورہ شہروں کے باشندوں سے کہا ہے کہ وہ اپنی زندگی بچانے کے لیے فوری اقدامات کریں۔
کاگوشیما ڈویژن کے گورنر ستوشی میتازونو نے ملک کے سیلف، ڈیفینس گروپز سے اپیل کی ہے کہ وہ راحت رسانی کے کاموں میں مدد کریں۔
اس کے علاوہ پڑوسی جزیرے میازاکی کے تقریباً تین لاکھ باشندوں کو نقل مکانی کا مشورہ دیا گیا ہے۔
اسی دوران محکمہ موسمیات کے حکام نے بتایا کہ جمعہ سے اب تک کیوشو جزیرے پر ایک ہزار ملی میٹر بارش ہوچکی ہے۔
خیال رہے کہ محکمہ موسمیات نے آئندہ ہفتے تک بارش جاری رہنے کی پیشن گوئی کی ہے۔
یاد رہے کہ جاپان میں گزشتہ برس جولائی میں ذبردست سیلاب سے 200 سے زائد لوگوں کی موت ہوگئی تھی، جبکہ جاپان میں سنہ 1982 کے بعد سیلاب میں یہ سب زیادہ ہلاکتیں ہوئی تھیں۔
