سڑک کے دونوں اطراف گوبر اور لکڑی، چلنا دشوار

یہ سڑک شوپیاں اور مغل روڈ کے ذریعے کشمیر کو جموں خطے سے ملاتی ہے اور روزانہ اس پر ہزاروں مسافر آتے جاتے ہیں۔

سرینگر شوپیاں روڈ پر پلوامہ سے شوپیاں تک کی سڑک کے دونوں اطراف سے گوبر اور لکڑی سے بھری ہوئی ہے۔
اس کے سبب یہاں کے لوگوں کے لئے اس روڑ پر چلنا محال ہو جاتا ہے۔
سڑک کم چوڑی ہونے کے سبب اس پر مشکل سے دو گاڑیاں چل پاتی ہیں، لیکن اس کے دونوں اطراف خود غرض کےلوگوں نے گوبر کے بڑے امبار اور ٹیلے جمع کر رکھے ہیں۔

یہ سڑک شوپیاں اور مغل روڈ کے ذریعے کشمیر کو جموں خطے سے ملاتی ہے اور روزانہ اس پر ہزاروں مسافر آتے جاتے ہیں۔ لیکن گوبر کے سبب یہ سڑک بے حد بد بو دار اور بد صورت منظر پیش کرتی ہے۔گوبر سے ہر بار بدبو پھیلتی رہتی ہے جس سے گاڑیوں میں سفر کرتے وقت مسافروں کو سخت مشکلات کا سامنا ہے۔یہاں کے طلباء سخت مشکلات کا سامنا ہے ، اسکول جاتے وقت انہیں بجائے فٹ پاتھ کے سڑک سے ہو کے گزرنا پڑتا ہے۔بچوں کے مطابق وہ مجبوراً سڑک پر چلتے ہیں کیوں کہ فٹ پاتھ پاتے پر چلنے کے لئے جگہ ہی نہیں ہے۔وہ چاہتے ہیں کہ یہ گوبر اس سڑک پر سے ہٹایا جائے تاکہ وہ بہ آسانی اسکول آ جا سکیں۔