لوک سبھا میں حیدرآباد کی نمائندگی کرنے والے بیرسٹر اسدالدین اویسی صدر کل ہند مجلس اتحاد المسلمین نے آج رکن پارلیمان کی حیثیت سے حلف لیا۔
اویسی نے اردو میں خدا کے نام پر حلف لیا۔انھوں نے حلف لینے کے بعدجے بھیم جئے میم ،تکبیر، اللہ اکبر اور جئے ہند کا نعرہ لگایا۔
حلف لینے کے لیے جب وہ جارہے تھے تو اسی وقت بی جے پی کے ارکان پارلیمان ایوان میں وندے ماترم اور بھارت ماتا کی جئے کے نعرے لگا رہے تھے۔
اس کے جواب میں انہوں نے اپنے دونوں ہاتھوں کو اٹھا کر زور سے نعرے بازی کرنے کا اشارہ کیا۔ لوک سبھا میں آج دوسرے دن تلنگانہ سے تعلق رکھنے والے ارکان پارلیمان نے حلف لیا۔
اس نعرہ بازی پر اپنا رد عمل ظاہر کرتے ہوئے انہوں نے کہا کہ یہ اچھی بات ہے، کم سے کم مجھے دیکھ کر انھیں رام کی یاد تو آئی۔ ساتھ ہی اسدالدین اویسی نے یہ بھی کہا کہ امید ہے کہ بی جے پی والوں کو آئین اور مظفر پور میں بچوں کی موت بھی یاد رہے گی۔
