اترپردیش میں سات مرحلوں میں ہونے والے ووٹنگ کے لیے کل سے نامزدگی پرچہ داخل ہونا شروع ہو جائے گا۔
اتر پردیش الیکشن کمیشن ڈرم برہنم دیو رام تیواری نے پریس کانفرنس میں صحافیوں سے کہا کہ پانچویں مرحلے کی 14 سیٹوں کے لیے 10 اپریل سے پرچہ نامزدگی شروع ہوجائے گی۔
خیال رہے کہ پانچویں مرحلے میں کئی ہائی پروفائل شہر جن میں خاص طور پر لکھنؤ، رائے بریلی، امیٹھی اور ایودھیا شامل ہیں۔
رام تیواری نے بتایا کہ ان سیٹوں کے لیے 14 اپریل تک نامزدگی داخل کی جاسکتی ہے جس کی جانچ 20 اپریل کو کی جائے گی اور 22 اپریل کو کوئی بھی امیدوار اپنا نام واپس لے سکتا ہے، ان سیٹوں پر ووٹنگ صبح سات بجے سے لے کر شام چھ بجے تک ہوگی۔
الیکشن کمیشن آفیسر نے بتایا کہ ان 14 سیٹوں میں کل دو کروڑ 47 لاکھ ووٹرز ہیں۔ جن میں ایک کروڑ 32 لاکھ مرد اور ایک کروڑ 14 لاکھ خواتین، اور 1321 خواجہ سرا ووٹرز بھی ہیں۔
ان 14 سیٹوں پر 18 سے 19 برس کے تین لاکھ 39 ہزار 64 نوجوان ووٹرز ہیں، اس کے علاوہ 80 برس سے اوپر کے چار لاکھ 84 ہزار 757 ووٹرز ہیں۔
الیکشن کمیشن ہدایت کے مطابق انہوں نے بتایا کہ سبھی امیدواروں کو 25 ہزار روپے ضمانت کے طور پر جمع کرانے ہوں گے، جبکہ ایس سی اور ایس ٹی کے امیدواروں کو 12 ہزار 500 روپے ضمانت کے طور پر جمع کرنے ہوں گے۔
