رکن پارلیمان نے ممتا کا آنچل چھوڑ کے بی جے پی کا دامن تھاما

ریاست مغربی بنگال میں عام انتخابات سے قبل سیاسی صورتحال میں بڑے پیمانے پر ردوبدل دیکھنے کو مل رہا ہے، اور اس کھیل میں سب سے زیادہ بی جے پی کو فائدہ ملتا نظر آرہا ہے۔

لوک سبھا انتخابات کے لیے آج مغربی بنگال کی وزیراعلی ممتا بنرجی نے اپنے 42 امیدواروں کے نام کا اعلان کیا، دریں اثنا ترنمول کانگر یس کے ایک رکن پارلیمان بی جے پی میں شامل ہوگئے۔

قومی دارالحکومت دہلی میں ترنمول کانگریس کے رکن پارلیمان پی انوپم ہاجرہ نے ترنمول بی جے پی میں شمولیت اختیار کی ہے۔

واضح رہے انوپم ہاجرہ بول پور سے ترنمول کانگریس کے رکن پارلیمان تھے، آج انہوں نے دہلی میں بی جے پی کے صدر دفتر میں مغربی بنگال بی جے پی کے کنوینر کاش وجے ورگیہ اور مکل رائے کی موجودگی میں بی جے پی میں شامل ہوئے۔

انہوں نے فیس بک پر ایک پوسٹ کے ذریعے کیلاش وجے ورگیہ کے ساتھ ایک سیلفی بھی پوسٹ کی اور کہا کہ اب سے ایک نئے سفر کی شروعات ہوئی ہے۔

اس کے علاوہ آج دہلی میں کانگریس کے رہنما دلال چندر بار اور سی پی آئی ایم کے کھاگین مرو نے بھی بی جے پی میں شمولیت اختیار کی ہے۔

کیلاش وجے ورگیہ نے پہلے ہی یہ کہا تھا کہ آج ترنمول کانگریس کے دوسرے بڑے رہنما بی جے پی میں شامل ہو نے والے ہیں۔

اب تک ترنمول کانگریس، کانگریس اور بی جے پی کے متعدد لیڈران بی جے پی شامل ہو چکے ہیں۔