مغربی بنگال کے بھاٹ پاڑہ اسمبلی انتخابات کے بعد سے جاری سیاسی تصادم میں متعدد افراد زخمی ہو گئے۔دونوں سیاسی پارٹیوں کی جانب سے احتجاج کا سلسلہ جاری ہے۔
ترنمول کانگریس کے رہنما اور بھاٹ پاڑہ اسمبلی سے ترنمول کانگریس کے امیدوار مدتن مترا کاکہنا ہے کہ بیرکپور میں بی جے پی کے رہنما ارجن سنگھ کی غنڈہ گردی میں اضافہ ہوا۔ان کی غنڈہ گردی سے عام لوگوں کو بڑی پریشانیوں کا سامنا کرنا پڑرہا ہے۔
انہوں نے مزید کہاکہ بی جے پی کے رہنما کے خلاف ضلع مجسٹریٹ سے شکایت درج کرائی گئی ہے۔امید ہے کہ بی جے پی کے رہنما کے خلاف جلد کارروائی کی جائے گی۔
واضح رہے کہ پہلے پارلیمانی انتخابات اور ضمنی انتخابات کے بعد بھاٹ پاڑہ میں ترنمول کانگریس اور بی جے پی کے حامیوں کے درمیان جھڑپوں کا سلسلہ جاری ہے۔
