سیالدہ اور ہوڑہ سے ٹرین سروس بحال

طوفان فانی کے بعد سیالدہ اور ہوڑہ اسٹیشنوں سے لوکل ٹرینوں کی سروس دوبارہ بحال ہو گئی ہے تاہم دونوں سنٹرل اسٹیشنوں سے دورمسافت کی ٹرینوں کی آمدرفت بدستور منسوخ ہے۔

ریلوے حکام کے مطابق طوفان فانی کے بعد سیالدہ اور ہوڑہ اسٹیشنوں سے لوکل ٹرینوں کی آمد ردفت دوبارہ بحال کردی گئی ہے۔ گزشتہ شب سیالدہ جنوبی سکیشن کے نام خانہ اسٹیشن کاچھت طوفان میں اڑ گیا تھا۔اس کے علاوہ بیشتر اسٹینشوں کے قریب اوور ہیڈ تار ٹوٹ گئے۔مرمت کے بعد ٹرین سروس دوبارہ بحال کردی گئی ہے۔
انہوں نے مزید کہاکہ سیالدہ اور ہوڑہ اسٹیشنوں سے دور مسافت والی ٹرینوں کی سروس اب بھی منسوخ ہے۔حالات میں بہتری آنے کے بعد ہوڑہ اور جنوبی ریاستوں کے درمیان چلنے والی ٹرینوں کی سروس دوبارہ بحال کی جائے گی۔