ضابطہ اخلاق کے خلاف ورزی کے معاملے میں مودی اور امت شاہ کے خلاف کانگریس رہنما سشمتا دیو کی شکایت پر سپریم کورٹ نےالیکشن کمیشن کو نوٹس جاری کر تے ہو ئے کہا کہ مودی اور امت شاہ پر ضابطہ اخلاق کے جتنے بھی معاملات ہے چھ مئی تک حل ہوجانا چاہیے۔
سپریم کورٹ نے گزشتہ دنوں الیکشن کمیشن کو کانگریس کی عرضی پر نوٹس جاری کیا تھا۔ کانگریس رہنما سشمتا دیو نے ضابطہ اخلاق کی خلاف ورزی کرنے کے معاملے میں مودی اور امت شاہ کے خلاف سپریم کورٹ میں عرضی داخل کی تھی۔
کانگریس رہنما سشمتا دیو نے سپریم کورٹ سے کہا کہ مودی اور امت شاہ کے خلاف ضابطہ اخلاق کے خلاف شکایتوں پر الیکشن کمیشن شنوائی نہیں کررہا ہے۔ اس پر الیکشن کمیشن نے بتایا کہ11 شکایتوں میں سے تین شکایتیں حل کردی گئی ہے۔
واضح رہے کہ عام انتخابات کے دوران مودی اور امت شاہ پر'نفرت پھیلانے والے بیان' پر اور سیاسی مطلب کے لیے فورسز کے استعمال کا الزام ہے۔جب کہ الیکشن کمیشن نے وزیر اعظم کو دو معاملوں میں پہلے ہی کلین چٹ دے چکا ہے۔
