جموں و کشمیر میں جماعت اسلامی پر حکومت کی طرف سے پانچ برس کی پابندی کے خلاف یونیورسٹی کے مختلف شعبوں کے درجنوں طلبا نے شعبہ تاریخ سے شعبہ ہیومنیٹیز تک ایک ریلی نکالی۔
مظاہرے کے دوران طلبا نعرہ بازی بھی کررہے تھے۔
احتجاجی طلبا نے بینرز اٹھا رکھے تھے جن پر 'جماعت اسلامی پر پابندی، اسلام پر پابندی' اور 'ہم جماعت اسلامی کے ساتھ کھڑے ہیں' کے نعرے لکھے تھے۔
ایک طالب علم نے کہا کہ 'احتجاجی ریلی شعبہ ہیومینٹیز میں پُرامن طریقے سے اختتام پذیر ہوئی ہے'۔
واضح رہے کہ مرکزی حکومت نے جماعت اسلامی جموں کشمیر پر پانچ برس کی پابندی عائد کی ہے۔
جماعت اسلامی جموں کشمیر پر پابندی کے بعد وادی میں تمام سیاسی، مذہبی، سماجی و تجارتی تنظیموں کی طرف سے جماعت اسلامی جموں کشمیر پر پابندی عائد کرنے کے خلاف احتجاجوں کا سلسلہ جاری ہے۔
