سڑک حادثے میں تین طلبا ہلاک، متعدد زخمی

جموں و کشمیر کے ضلع رامبن میں ایک ڈمپر حادثے کا شکار ہوگیا جس میں تین طلبا ہلاک، تین شدید زخمی ہوئے ہیں، اور ایک طالب علم لاپتہ ہے۔

پولیس کے مطابق آج تین بجے ایک ڈمپر کرول- کمیت رامبن سے ہالہ جارہا تھا کہ کرول کے مقام پر ڈگری کا لج کے قریب ڈمپر بے قابو ہوکر دریا چناب میں گر گیا اس میں سوار چھ طلبا جو میڈل اسکول کرول کے تھے۔ جس میں تین طلبا کی موت ہوگئی، تین زخمی ہوئے ہیں۔

اس حادثے میں ڈمپر ڈرائیور بھی زخمی ہوا ہے۔

حادثہ میں خبر سنتے ہی مقامی لوگ اور سیول رضاکار اور پولیس نے زخمیوں کو ضلع ہسپتال رامبن منتقل کیا جہاں دو کی حالت خطرے میں بتائی جاتی ہے اور انکو مزید علاج کے لیے میڈیکل کالج و ہسپتال جموں ریفر کر دیا گیا ۔

ہلاک والے بچوں کی شناخت پو جا دیوی (15)دختر پردیش سنگھ اور منجیت سنگھ (6) ولد لہر سنگھ ساکنان کنڈی کرول اور غریب سنگھ (15) من موہن سنگھ ساکن کنڈی کرول کے طور ہوئی ہے ۔

چترہ دیوی( 10) ، کملیشہ دیوی (16)، جوتی دیوی (14) دختران پردیپ ساکن کنڈی کرول اور ڈرائیور منموہن سنگھ (56) ولد شب سرن ساکن کنڈی کرول کے طور ہوئی۔

جبکہ ہیلپر اجے سنگھ(18) ولد ڈرائیور منموہن سنگھ لاپتہ ہے اس کی تلاش شروع کردی ہے اطلاعات کے مطابق یہ حادثہ قریب 3 بجے پیش آیا ہے ۔ ڈرائیور نے گاڑی اپنے لڑکے کو چلانے دی تھی جس کی وجہ سے یہ حادثہ پیش آیا۔

رامبن پولیس نے دفعہ - 278,337,304 اے تحت معاملہ درج کر کے تحقیقات شروع کردی ہے ۔