سیف کے بیٹے ابراہیم بالی ووڈ میں کریں گے انٹری

بالی ووڈ کے مشہور اداکار سیف علی خان کے بیٹے ابراہیم علی خان بھی اب بالی ووڈ میں اپنے کریئرکا آغاز کریں گے۔

سیف علی خان کی بیٹی سارا علی خان نے گزشتہ سال بالی ووڈ میں اپنے کریئر کی شروعات کی تھی۔
سارا نے کیدارناتھ اور سمبا جیسی سپرہٹ فلموں میں کام کرنے کے بعد اپنی شناخت بنائی ہے۔

اب ایسی خبریں ہیں کہ سارا کے بعد سیف کے بیٹے ابراہیم بھی بالی ووڈ میں قدم رکھنے والے ہیں۔ابراہیم نے اپنے والد سیف پر یہ واضح کردیا ہے کہ وہ بہن سارا کی طرح بطور اداکار کام کرنا چاہتے ہیں۔

بتایا جارہا ہے کہ بیٹے ابراہیم کے لئے سیف نے فلم پروڈیوز کرنے کا ارادہ کیا ہے۔ابراہیم کو کیمرے کے لئے تیار کرنے کے لئے مشق جاری ہے۔