سادھوی پرگیہ ٹھاکر کی نامزدگی رد کرنے کا مطالبہ

کانگریس پارٹی کے رہنما جی نارائن ریڈی نے الکشن کمیشن سے مطالبہ کیا کہ بی جے پی کی خاتون زعفرانی امیدوار سادھوی پرگیہ سنگھ ٹھاکر کی نامزدگی کو فوری طور پر رد کرنے کا مطالبہ کیا۔

انھوں نے کہاکہ سادھوی نے بابائے قوم مہاتما گاندھی کے خلاف ریمارکس کئے ہیں جس کے بنیاد پر الکشن کمیشن کو سخت کاروائی کی ضرورت ہے۔
انھوں نے کہا کہ ملک میں پہلی جماعت کا بچہ اور سو سال سے زائد عمر کا بزرگ شخص بھی گاندھی جی کا نام احترام سے لیتا ہے۔

سادھوی پرگیہ ٹھاکر کی نامزدگی رد کردی جائے

مگر سادھوی نے بابائے قوم کے قاتل ناتھورام گوڈسے کو محب وطن قرار دیا اور اسکی تعریف کی۔سادھوی نے تمام حدیں لانگ دی ہیں۔انھوں نے کہا کہ سادھوی کے بیان کو ستیہ گرہ سےتعبیر کرنے والے بی جے پی صدر امیت شاہ کا بیان افسوس ناک اور قابل مذمت ہے۔اس موقع پر انھوں نے کہا کہ ملک کی عوام بی جے پی کو اچھی طرح جان چکی ہےاور 23 مئی کو آنے والے انتخابی نتائج سے یہ بات واضح ہوجائے گی۔