رمضان کا مقدس مہینہ شروع ہوگیا ہے، لیکن بھارتی بازاروں سے اس بار جس چیز کو سب سے زیادہ یاد کریں گے وہ گرمیوں میں ہر گھر کی پیاس بجھانے والا مشہور شربت روح افزا ہے، جو گزشتہ کئی ماہ سے روح افزا بازار سے غائب ہے۔
اس برس رمضان المبارک کا آغاز سب سے زیادہ گرم مہینہ مئی میں ہوا ہے۔ اور گرمیوں میں ہر گھر میں رہنے والا مشہور شربت روح افزا ہے جو گزشتہ کئی مہینوں سے بازار سے غائب ہوگیا ہے۔
بازار میں قیاس آرائیاں ہیں کہ اسے بنانے والی کمپنی 'ہمدرد'کے مالکان کے درمیان اختلاف کی وجہ سے روح افزا کا پروڈکٹ اثر انداز ہوا ہے۔ حالانکہ اس معاملے میں کمپنی کا کچھ اورہی کہنا ہے۔
خیال رہے کہ گزشتہ کئی دہائیوں سے روح افزا گرمیوں میں سب سے پسندیدہ شربت رہا ہے، لیکن اس بار جب لوگ بازار میں روح افزا خریدنے پہنچے تو انہیں خالی ہاتھ واپس آنا پڑا، جبکہ خود دوکاندار بھی روح افزا کا اسٹاک کمپنی کی طرف سے ہی نہیں ملنے کی بات تسلیم کررہے ہیں۔
حالانکہ اس معاملے میں کمپنی نے کسی تنازع سے بھی انکار کیا ہے۔
واضح رہے کہ حکیم حافظ عبدالماجد نے سنہ 1960 میں روح افزا کا پروڈکٹ شروع کیا تھا، جس کی کمان اب ان کے پوتوں کے ہاتھوں میں ہے۔
یاد رہے کہ محض بھارت میں ہی نہیں بلکہ بھارت کے علاوہ پاکستان، بنگلہ دیش میں بھی روح افزا بے حد مقبول ہے۔
ایسا خیال کیا جارہا ہے کہ جائیداد تنازعہ کے سبب روح افزا کا پروڈکشن رک گیا ہے، حالانکہ کمپنی کے ترجمان کا کہنا ہےکہ کسی وجہ سے پروڈکشن بند کرنا پڑا، اور یہ جلد ہی پھرسے شروع کیا جائےگا، کیوں کہ کمپنی کو اس کی وجہ سے بے حد نقصان کا سامنا ہے۔
ویسے تو بازار میں روح افزا کے متبادل کے طور پر ڈابر کا شربت اعظم اورپتنجلی کا گلاب شربت بھی موجود ہے، اس لیے ان شربتوں کو اس کا فائدہ ہوسکتا ہے، لیکن روح افزا کی بات ہی کچھ اورہی ہے۔
انتظار ہےکہ روح افزا کئ بازار میں واپس آنے کا، سوشل میڈیا اگرہم دیکھتے ہیں تواندازہ ہوتا ہےکہ لوگ روح افزانہ ملنے پر مایوس نظر آرہے ہیں، ساتھ ہی اگرکسی کو روح افزا کہیں سے مل بھی گیا ہے تو پھر وہ خود کوخوش نصیب سمجھتا ہے۔
