مجلس کے کارکنان نے مطالبہ کیا کہ 'اورنگ آباد پارلیمانی انتخابات کے دوران شیوسینا کے امیدوار چندرکانت کھیرے نے اپنی تشہیر کے لیے حیدرآباد کے رکن اسمبلی ٹی راجا سنگھ کو ایک عوامی جلسے میں مدعو کیا تھا۔'
رکن اسمبلی کے خلاف کارروائی کا مطالبہ
اس موقعے پر ٹی راجا سنگھ نے مسلم سماج کے مذہبی جذبات کو مجروح کیا تھا۔ اورنگ آباد تشدد معاملے میں ملوث لچھو پہلوان نے اس جلسے کے دوران اسٹیج پر ان کے ہاتھ میں تلوار دے کر کھلے عام انتخابی ضابطہ اخلاق کی خلاف ورزی کی تھی۔
اس معاملے کی شکایت اورنگ آباد پولیس کمشنر اور الیکشن کمیشن آف انڈیا سے کی گئی ہے، لیکن اب تک اس پر کسی بھی طرح کی کوئی کارروائی نہیں کی گئی ہے۔
