جب دارالحکومت ہی محفوظ نہیں ہے تو۔۔۔۔

دہلی میں صحافیوں پر مسلسل ہونے والے حملوں پر بی جے پی حکومت پر نکتہ چینی کرتے ہوئے عام آدمی پارٹی کے رہنما گوپال رائے نے کہا کہ 'جب بھارت کی دار الحکومت دہلی میں صحافیوں پر حملے جاری ہیں تو پھر عوام کس طرح اپنے آپ کو محفوظ سمجھ سکتی ہے'۔

عام آدمی پارٹی کے سینیئر رہنما گوپال رائے نے صحافیوں پر ہونے والے تشدد پر برہمی کا اعتراض کرتے ہوئے کہا کہ جب بھارت کا دارالحکومت ہی محفوظ نہیں ہے تو اور دیگر علاقوں میں مقیم لوگ کیسے اپنے آپ کو محفوظ سمجھ سکتے ہیں۔

انہوں نے مزید کہا کہ عوام کی آواز بن کر لوگوں کو انصاف دلانے کیلئے کام کرنے والے صحافیوں پر ہی گولیوں کی بوچھار کی جائے گی تو عوام کسی قدر بھی محفوظ محسوس نہیں کر سکتی۔

انہوں نے مزید کہا کہ ملک کے دار الحکومت میں لاء اینڈ آرڈر کو صحیح طریقے سے نافذ کیا جائے تاکہ عوام کے درمیان کسی قسم کا ڈر نہیں ہو۔