دارجلنگ میں پریزائڈنگ آفیسر برطرف

دارجلنگ لوک سبھا حلقے سے آزاد امیدوار ہرکا بہادر چھتری کے کالمپونگ کے بوتھ نمبر 110میں موبائل فون لے کر داخل ہونے پر پریزائڈنگ آفیسر کو برطرف کردیا گیا ہے۔

جب بہادر سے نامہ نگاروں نے پوچھا کہ آپ موبائل فون کے ساتھ بوتھ میں کیسے داخل ہوگئے انہوں نے کہا کہ مجھے یہ قانون نہیں معلوم تھا اور کسی نے بھی اعتراض نہیں کیا۔

تاہم یہ خبر عام ہونے کے فوری بعد ہی الیکشن کمیشن نے آفیسر کو برطرف کردیا ہے۔ دوسری جانب جلپائی گوڑی لوک سبھا حلقے میں بیلکا کوبا فوریسٹ کے آفیسر اپنے سروس بندوق کے ساتھ ووٹ دیتے ہوئے پائے گئے ہیں۔