مدھیہ پردیش کے دارالحکومت بھوپال میں بی جے پی میں شمولیت کے بعد انھوں نے کہا کہ 'میں اب باقاعدہ بی جے پی میں شامل ہوگئی ہوں۔ میں انتخاب لڑوں گی اور جیتوں گی۔ یہ میرے لیے مشکل نہیں ہے۔'
بی جی کے ایک رہنما کا کہنا ہے کہ وہ بھوپال سے بی جے پی کے ٹکٹ پر انتخاب میں اتریں گی جہاں سے کانگریس نے ریاست کے سابق وزیر اعلی دگ وجے سنگھ کو اپنا امیدوار بنایا ہے۔
واضح رہے کی بی جے پی نے ابھی تک اس پارلیمانی سیٹ کے لیے کسی امیدوارکا اعلان نہیں کیا ہے لیکن اب یہ بات واضح ہوگئی ہے کہ بی جے پی دگ وجے سنگھ کے خلاف پرگیہ سنگھ ٹھاکر کو میدان میں اتارے گی۔
پرگیہ سنگھ ٹھاکر مالیگاؤں بم دھماکے کی کلیدی ملزم ہیں۔ لیکن بی جے پی کا موقف یہ ہے کہ وہ بے قصور ہیں۔ تچزیہ کاروں کے مطابق بی جے پی دگ وجئے سنگھ کی سیکولرشبیہ کے خلاف ہندوتوا کارڈ کھیلنے کا ارادہ رکھتی ہے اور اس کے لیے پرگیہ سنگھ ٹھاکر سے بہترچہرہ کوئی اور نہیں ہو سکتا۔
بھوپال پارلیمانی حلقے پر گزشتہ تین عشروں سے بی جے پی کا قبضہ ہے۔
