مودی نے آسام کو ہر ممکن امداد کی یقین دہانی کرائی

وزیراعظم نریندر مودی نے آسام کو ہر ممکن امداد کی یقین دہانی کرائی ہے، جہاں آج زلزلے کے جھٹکے محسوس کئے گئے۔

ریجنل سیسمولوجیکل سینٹر کے ایک افسر نے بتایا کہ آج صبح 7:51 بجے محسوس کیے گئے زلزلے کی شدت ریکٹر اسکیل پر 6.7 ریکارڈ کی گئی اور اس کا مرکز ضلع سونت پور میں تھا۔

نریندر مودی نے ٹویٹ کر کے کہا کہ آسام کے وزیر اعلی سربانند سونوال سے ریاست میں محسوس کئے گئے زلزلے سے متعلق بات کی۔ انہیں مرکز کی جانب سے ہر ممکن امداد کی یقین دہانی کرائی ۔ میں آسام کے عوام کی سلامتی کے لیے دعا گو ہوں۔

زلزلے کے جھٹکے آسام، میگھالیہ اور اس سے متصل شمال مشرقی خطے کے علاوہ بھوٹان اور بنگلہ دیش میں بھی محسوس کیے گئے ہیں۔