واضح رہے کہ مرکزی حکومت نے ہفتے میں دو دن اتوار اور بدھ کو قومی شاہراہ پر گاڑیوں کے چلنے پر پابندی عائد کی ہے۔
اودھم پور کے جیکھینی چوک کی عوام نے کہا کہ قومی شاہراہ پر پابندی عائد ہونے سے پریشانی تو ہورہی ہے لیکن اگر فوج کی حفاظت کی بات ہے تو ہر پریشانی کا سامنا کرنے کو تیار ہے۔
زیاد تر لوگوں کا کہنا ہے کہ انہیں قومی شاہراہ بند ہونے سے کافی پریشانیوں کا سامنا کرنا پڑرہا ہے۔ لیکن کچھ ایسے بھی لوگ ہے جن کہنا ہے کہ حکومت کی جانب سے فوج کے لیے لیا گیا فیصلہ ایک قابل اطمینان اقدام ہے۔
مزید لوگوں کا کہنا ہے کہ ہماری فوج ہم لوگوں کی حفاظت کے لیے سرحد پر تعینات ہے۔ ہم لوگوں کی حفاظت کے لیے اپنی جانیں دیتے ہیں۔ اگر ایک روز کے لیے قومی شاہراہ بند ہوجائے تو انہیں اپنے ملک کے جوانوں کے لیے حکومت کا یہ قدم بھی کم لگ رہا ہے۔
حکومت کے اس فیصلے سے جموں کشمیر کے سیاحت پر برے اثرات نظر آرہے ہیں قومی شاہراہ پر روکے گئے سیاحوں نے ای۔ٹی۔وی۔بھارت کے نمائندے اشفاق یوسف پڑر سے بات کرتے ہوے کہا کہ سرکار کی طرف سے ہفتے میں دو دن قومی شاہراہ بند رکھا جائے گا۔جبکہ ایمبولینس سیاحوں کو چلنے کی اجازت ہے صبح ہم لوگ پہلگام سے آئے مگر یہاں سے آگے جانے کی اجازت نہیں دی جارہی ہے۔ اس فیصلے سے سیاحوں کو بھی کافی مشکلات کا سامنا کرنا پڑے گا۔
خیال رہے کہ اس فیصلے کے خلاف نیشنل کانفرنس اور پی ڈی پی نے بھی احتجاجی مظاہرہ کیا اور اس فیصلے کو واپس لینے کا مطالبہ کیا۔
