پانی جمع ہونے کی وجہ سے سڑکوں کی حالت خستہ ہے۔ لوگوں کو آنے جانے میں کافی مشکلات کا سامنا کرنا پڑرہا ہے۔
یہ کوئی تالاب نہیں بلکہ ایک سڑک ہے۔ ضلع مئو کا مسنہ فتح پور قصبہ بظاہر پانی سے گھرا ہوا نظر آتا ہے۔ لیکن حقیقت یہ ہے کہ یہ قصبے سے گزرنے والی سڑک ہے۔ برسوں سے اس قصبے کے باشندے اسی سڑک پر چوٹ کھاتے ہوئے گزر رہے ہیں۔ ان میں بچے، بوڑھے اور جوان سب شامل ہیں۔ اکثر سڑکوں کا پانی گھروں میں داخل ہورہا ہے۔
سڑک پر پانی سے علاقے کے لوگوں کی عام زندگی مفلوج
اس قصبے کے بچوں کو تعلیم حاصل کرنے کے لیے پہلے اس تالاب نما سڑک سے نمٹنا ہوتا ہے۔ اکثر اسکول یا مدرسہ جاتے ہوئے بچے اس میں چوٹ کھاجاتے ہیں۔ قصبہ کے باشندوں کو مسجد تک پہنچنے میں بھی کافی جدوجہد کرنی ہوتی ہے۔
