تیسرا عشرہ نجات کا ہے اور اس میں عوام مساجد میں ہی اعتکاف میں بیٹھ کر عبادت و ریاضت کرتے ہیں۔
عالمی وبا کورونا کے سبب گذشتہ برس کی طرح رواں برس بھی رمضان المبارک میں گھروں میں ہی رہ کر روزہ دار عبادت کر رہے ہیں۔ ان دنوں ریاستی حکومت کے وبا ریڈ الرٹ سے قبل ہی تمام مذاہب کی عبادت گاہیں بند ہیں اور ایسے میں درگاہ شریف بھی بند ہے لہٰذا رمضان کے آخری عشرے میں عبادت کی مخصوص راتیں مسجد میں نہ رہ کر گھروں میں ہی گزاری جا رہی ہیں۔
سنی دعوت اسلامی اجمیر کے نگراں محمد معین الدین رضوی نے تمام روزہ داروں سے درخواست کی ہے کہ وہ کورونا گائڈلائن پر عمل درآمد کرتے ہوئے انسانیت کے حق میں ملک اور دنیا کو کورونا سے نجات دلانے کی دعا کریں کیونکہ ان دنوں ان کی عبادت کا اثر عام دنوں کے مقابلے زیادہ رہتا ہے اور مانگی گئی دعا بھی قبول ہوتی ہے۔
