غلام نبی آزاد نے وزیراعظم نریندر مودی کی موجودگی میں صدر کی تقریر پر شکریہ کی تجویز پر بحث میں حصہ لیتے ہوئے کہا کہ ہم ملک کی فتح چاہتے ہیں نہ کہ کسی پارٹی خاص کی فتح۔
انہوں نے عام انتخابات میں بھارتیہ جنتا پارٹی کی ہوئی فتح اور مودی کے دوبارہ اقتدار میں واپسی پر مبارک باد دیتے ہوئے کہا کہ ’لمبی لمبی پھینکنے‘ پر ووٹ ملتا ہے تو اچھی بات ہے۔
زمین پر کچھ ہو یا نہ ہو لیکن ٹیلی ویژن اور ریڈیو پر مہم چلانے سے ووٹ ملتا ہے تو اچھی بات ہے۔بی جے پی رکن پارلیمان جے پی نڈا کی حکومت کا ساتھ دینے کی اپیل کومسترد کرتے ہوئے انہوں نے کہا کہ اپوزیش برسراقتدار لوگوں کے ساتھ کھڑی نہیں ہوسکتی۔
انہوں نے مزید کہا کہ اگر ایک ہزار سال تک اپوزیشن میں بیٹھنا پڑے تو بھی ان کی پارٹی اس کے لیے تیار ہے لیکن جس راستے پر یہ حکومت جارہی ہے اس میں اس کا ساتھ نہیں دیا جاسکتا ہے۔ ان کی پارٹی پارلیمنٹ سے باہر رہ سکتی ہے لیکن حکومت کا ساتھ نہیں دے سکتی ہے۔
