نوئیڈا میں لاک ڈاون کے دوران پولیس کی جانب سے سختی برتی جارہی ہے۔ ایسے میں بغیر کسی ضروری کام کے سڑکوں پر گھومنے والوں کے خلاف پولیس سخت کارروائی کر رہی ہے۔
پولیس چیکنگ کے دوران بہت سے لوگوں پر چالان کیا اور آٹوز کو بھی سیز کر لیا گیا۔ لاک ڈاون کے باوجود سڑکوں پر گھومنے پر آٹوز کے خلاف بھی کارروائی کی گئی۔
پولیس کمشنر آلوک سنگھ نے سخت انتباہ دیتے ہوئے کہا کہ غیرضروری سڑکوں پر نکلنے والے افراد کے خلاف سخت کارروائی کی جائے گی۔ سیکٹر 18، سیکٹر 37، سٹی سینٹر جیسے مقامات پر پولیس اہلکاروں کو تعینات کیا گیا جبکہ یہاں سے گذرنے والے افراد کے خلاف سخت کارروائی کی جارہی ہے۔ پولیس کارروائی کے دوران متعدد آٹوز کو بھی سیز کرلیا گیا۔
