اترپردیش کے ضلع گوتم بدھ نگر کے حالات بد سے بدتر ہوتے جا رہے ہیں۔ ہر ہسپتال کسی بھی کورونا مریض کو بہتر علاج دینے سے قاصر ہے۔
ایسے میں جموں و کشمیر کے سابق وزیر اعلیٰ عمر عبداللہ نے گوتم بدھ نگر نوئیڈا کے سی ایم او اور محکمہ صحت سے مدد طلب کی۔
عمر عبداللہ نے ٹویٹ کرتے ہوئے کہا کہ ان کے ماما گریٹر نوئیڈا ویسٹ کے گور سٹی میں رہتے ہیں اور وہ کورونا سے متاثر ہیں جن کو جلد از جلد علاج اور انجیکشن کی ضرورت ہے۔ ان کی حالت سنگین ہوتی جارہی ہے۔
انہوں نے اپنے ماما کی جان بچانے کے لیے نوئیڈا کے سی ایم او سے مدد طلب کی۔ عمر عبداللہ کے ٹویٹ کرنے کے بعد محکمہ صحت نے مثبت جواب دیتے ہوئے کہا کہ ان کے ماما کی فوری ہر ممکن مدد کی جائے گی۔ سی ایم او نوئیڈا نے ایک ٹیم بھیج دی ہے۔
