نتیش نے شب برات کی مبارک باد دی

بہار کے وزیراعلیٰ نتیش کمار نے شب برات کے موقع پر ریاست اور ملک کے مسلمانوں کو مبارکباد دی اور نیک خواہشات پیش کی ہے۔

وزیراعلیٰ نے اپنے پیغام میں کہا کہ شب برات کا تہوار پاکیزہ ہے۔ اس موقع پر عوام پوری رات جاگ کر رب کی عبادت کرتے ہیں۔ اپنے آباءواجداد کو یاد کرتے ہیں۔

انہوں نے مزید کہا کہ ان کی مغفرت کے ساتھ ساتھ پوری انسانیت کی فلاح و بہبود، عالمی امن اور بھائی چارے کے لیے رب کریم سے دعائیں کرتے ہیں۔

شب برات میں دعائیں بارگاہ ایزدی میں قبول ہوتی ہیں۔

وزیر اعلیٰ نے ریاست کی عوام سے اپیل کی ہے کہ وہ اس پاکیزہ تہوار کو ہم آہنگی اور بھائی چارے کے ماحول میں منائیں اور یہ خوشی ہر کسی میں تقسیم کریں۔