نیرو مودی کی ضمانت عرضی کو خارج کرتے ہوئے عدالت نے کہا کہ اس کے پاس ایسے ثبوت ہیں کہ ہیروں کا کاروباری ضمانت کے بعد جانچ کے عمل کو متاثر کرسکتا ہے۔
جج نے کہا’’ہمارے پاس پختہ ثبوت ہیں کہ ضمانت کی عرضی دینے والا شخص اور وہ جو اس کے حق میں ہے جانچ اور گواہوں کو متاثر کرسکتا ہے۔مداخلت اور رکاوٹ پیدا کی جاسکتی ہے۔‘‘
پنجاب نیشنل بینک کے ساتھ اربوں روپے کی دھوکہ دہی کرنے اور منی لانڈرنگ کے معاملے میں نیرو مودی ہندوستان سے فرار ہے۔برطانیہ سے اسے حراست میں لے کر ہندوستان لانے کےلئے عدالت میں معاملہ چل رہا ہے۔
