ایم کیو ایم کے بانی الطاف حسین، لندن میں گرفتار

پاکستان متحدہ قومی موومنٹ کے بانی الطاف حسین کو جو برطانیہ میں جلاوطنی کی زندگی گذار رہے ہیں لندن میں گرفتار کرلیا گیا۔

لندن کی میٹرو پولیٹن پولیس کی جانب سے جاری بیان کے مطابق 60 سالہ ایم کیو ایم سربراہ کو پاکستان میں کی گئی تقاریر سے متعلق تحقیقات کے سلسلے میں گرفتار کیا گیا۔
الطاف حسین کو شمال مغربی لندن میں سنگین جرائم ایکٹ 2007 کی دفعہ 44 کے تحت دانستہ طور پر اکسانے یا جرائم میں معاونت فراہم کرنے کے شبے میں گرفتار کیا گیا۔
انہیں پولیس اینڈ کرمنل ایویڈنس ایکٹ کے تحت حراست میں لے کر جنوبی لندن کے پولیس اسٹیشن منتقل کردیا گیا، جہاں ان سے پولیس حراست میں تفتیش کی گئی۔
خیال رہے کہ رواں برس اپریل میں برطانیہ کی میٹروپولیٹن پولیس کی 12 رکنی ٹیم نے ایم کیو ایم لندن کے قائد الطاف حسین کی 2016 کی متنازع تقریر سے متعلق کیس میں اپنی تفتیش مکمل کی تھی۔