وزیر خارجہ سشما سوراج کرگستان کے دارالحکومت بشکیک میں شنگھائی تعاون تنظیم کے آج سے شروع ہونے والے دو روزہ اجلاس میں شرکت کریں گی۔
اس اجلاس میں 13 اور 14 جون کو ہونے والی ایس سی او سربراہ کانفرنس کی تیاری کا بھی جائزہ لیا جائے گا۔
اجلاس میں بین الاقوامی اور علاقائی مسائل پر غور و خوص کیا جائے گا۔
سشما سوراج اس سے قبل 2018 میں سی ایف ایم میٹنگ میں شرکت کرچکی ہیں جو چین میں منعقد ہوئی تھی۔
وزیر خارجہ سوراج مختلف ممالک سے آئے ہوئے وزرائے خارجہ اور صدر کرگستان سورانبے جینبیکوف سے ملاقات کریں گی۔
وزارت خارجہ امور نے کہا کہ سوراج وزرائے خارجہ کی کونسل میں بین الاقوامی اور علاقائی اہمیت کے حامل کئی مسائل پر تبادلہ خیال کریں گی۔
چین کے غلبہ والے اس گروپ کا ہدنوستان 2017 میں مکمل رکن بنا اور نئی دہلی کی شمولیت سے علاقائی جغرافیائی و سیاسی سطح پر بلاک کی سرگرمیوں میں اضافہ ہوا۔
