امریندر سنگھ نے کہا کہ ٹکٹ کی تقسیم عمل دلی میں ہائی کمانڈ کی نگرانی میں ہوتا ہے اور ہائی کمانڈ کسی کی درخواست کو ردکرنے کا اختیار حاصل ہے۔ انہوں نے کہا کہ چندی گڑھ حلقہ پنجاب میں نہیں آتا اس لئے یہاں سے امیدوار کے سلیکشن میں میرا کوئی رول نہیں ہے۔
وزیراعلیٰ نے کہا کہ اگر مجھ سے اس سلسلہ میں مشورہ لیا جاتا تو میں بناجھجک پون بنسل کی امیدواری کی تائید کرتا
قبل ازیں نوجوت کور نے کہا تھا کہ کیپٹن صاحب اور آشا کماری سمجھتے ہیں کہ میں ایم پی ٹکٹ کی اہل نہیں ہوں۔ زمینی حقیقت کی بنا پر میں نے امرتسر حلقہ سے مقابلہ کرنے سے انکار کردیا کیونکہ یہاں سے میری جیت ممکن نہیں ہے۔
کور نے چندی گڑھ حلقہ سے مقابلہ کرنے کی خواہش ظاہر کی تھی لیکن کانگریس رہنماؤں نے ان کی امیدواروں کو رد کرتے ہوئے یہاں سے سابق مرکزی وزیر پون کمار بنسل کو ٹکٹ دیا ہے۔
پنجاب کی 13 پارلیمانی نشستوں کےلیے 19 مئی کو ووٹنگ ہوگی۔
